اقوام متحدہ نے پاکستان میں قائم عسکریت پسند تنظیم تحریک طالبان پاکستان کے رہنما مفتی نور ولی محسود کو عالمی دہشت گرد قرار دیا ہے۔
ریاست ہائے متحدہ کی سلامتی کونسل میں القاعدہ پر پابندیوں کی کمیٹی نے محسود کو داعش اور القاعدہ پابندیوں کی فہرست میں شامل کیاہے۔
مفتی نور ولی محسود کو قرارداد 2368 (2017) کے پیراگراف دو اور چار کے تحت درج کیا گیا کہ 'انھیں القاعدہ کی جانب سے مالی تعاون، منصوبہ بندی، سہولیات میں مدد حاصل ہوتی ہے'۔
امریکہ نے اس اعلان کا خیرمقدم کیا ہے۔
'یہ خوش آئند خبر ہے کہ یو این نے تحریک طالبان پاکستان کے رہنما نور ولی محسود کو داعش اور اے کیو پابندیوں کی فہرست میں شامل کیا ہے۔ وہ ٹی ٹی پی پاکستان میں ہونے والے متعدد عسکریت پسند حملوں کا ذمہ دار ہے۔ ریاست ہائے متحدہ امریکہ نے ستمبر 2019 میں نور ولی کو دہشت گرد قرار دیا تھا'۔
بتایا جارہا ہے کہ مفتی نور ولی محسود ٹی ٹی پی کے سابق رہنما ملا فضل اللہ کی موت کے بعد جون 2018 میں ٹی ٹی پی کا رہنما نامزد کیا گیا تھا۔
