کانگریس کے نئے صدر کی تلاش تیز ہو گئی

ایسی خبریں آنے لگی ہیں کہ آئندہ دو مہینوں میں نئے صدر کا انتخاب کر لیا جائے گا جو گاندھی خاندان سے نہیں ہو گا۔

کانگریس کے موجودہ صدر راہل گاندھی کے صدراتی عہدے سے استعفی واپس لینے سے انکار کے بعد پارٹی میں نئے صدر کی تلاش تیز ہو گئی ہے۔

خاص بات یہ ہے کہ نیا صدر گاندھی خاندان سے نہیں ہو گا۔ راہل گاندھی نے کانگریس ورکنگ کمیٹی کی میٹنگ میں اس بات کو بھی واضح کر دیا ہے کہ اس میں پرینکا گاندھی کا نام نہ لیا جائے۔

راہل گاندھی کے اس بات سے صاف ہو گیا کہ اب کانگریس پارٹی کا نیا صدر غیر گاندھی خاندان سے ہو گا اور آئندہ دو مہینوں میں نئے صدر کا انتخاب کر لیا جائے گا۔

واضح رہے کہ ہر دو برسوں میں کانگریس پارٹی میں صدر کا انتخاب ہوتا ہے۔