بہار میں سی اے اے قانون کی کوئی ضرورت نہیں : غلام رسول بلیاوی

بہار قانون ساز کونسل کے رکن غلام رسول بلیاوی نے کہا ہے کہ بہار میں نہ کوئی درانداز ہے اور نہ ہی کوئی پناہ گزیں یہاں کسی قانون کی ضرورت نہیں ہے

بہار قانون ساز کونسل کے رکن و غلام رسول بلیاوی نے ای ٹی وی بھارت سے خصوصی بات چیت میں کہا کہ ان کی پارٹی کا این آر سی اور این پی آر کے تعلق سے واضح بیان ہے

بلیاوی نے کہا کہ بہار میں نہ کوئی پناہ گزین ہے اور نہ ہی کوئی درانداز یہاں کسی قانون کی ضرورت نہیں ہے۔ وزیر اعلی نتیش کمار نے ایوان میں واضح طور پر بیان دیا ہے کہ بہار میں این سی آر کسی بھی قیمت پر نافذ نہیں ہوگا۔ بلیاوی نے کہا کہ کہ ذات کی بنیاد پر مردم شماری کا مطالبہ ہماری حکومت کا بھی ہے

این آر سی آئین مخالف قانون ہے تمام لوگوں کو آئین کے تئیں بیدار ہونا چاہیے۔ انہوں نے کہا کہ کچھ لوگ مسلم محلوں میں گھوم کر اس کے خلاف غلط فہمی پھیلا رہے ہیں اور مسلمان بھی انکو ٹوپی اور مالا پہنا کر تالیاں بجا رہے ہیں انہیں اس تعلق سے بیدار ہونا چاہیے یہ لوگ ان کے ہمدرد نہیں ہیں۔