لاک ڈاؤن کی مدت بڑھانے کی تجوز نہیں: میڈیکل ٹیم

تملناڈو کے وزیر اعلیٰ ای کے پلانی سوامی نے کہا کہ خصوصی صحت کمیٹی نے ریاست میں لاک ڈاؤن کی مدت بڑھانے کی تجویز نہیں دی ہے۔ انہوں نے یہ بیان پیر کو ریاست میں کورونا وائرس کے بڑھتے کیسز کے سلسلے میں کمیٹی کے ساتھ جائزہ میٹنگ کے بعد دیا۔

انہوں نے کہا کہ کمیٹی نے ریاست میں 30 جون کے بعد لاک ڈاون کی مدت بڑھانے کی تجویز نہیں دی ہے۔ چنئی اور تین پڑوسی اضلاع میں 12 روزہ لاک ڈاؤن کے پانچویں مرحلے کے ختم ہونے کے پیش نظر بلائی گئی میٹنگ کے بعد قومی وبائی مرکز (نیشنل ایپیڈیمِک سینٹر) کے ڈپٹی ڈائریکٹر ڈاکٹر پربھادیپ کور نے کہا کہ خصوصی کمیٹی نے وزیراعلیٰ کو لاک ڈاؤن کی مدت بڑھانے کی تجویز نہیں دی ہے۔

انہوں نے کہا کہ کورونا وائرس کو روکنے کے لیے مسلسل لاک ڈاؤن کی مدت بڑھانا حل نہیں ہے۔ انہوں نے کہا کہ سماجی اور معاشی مسائل کا خیال کرتے ہوئے کمیٹی نے ریاست میں 30 جون کے بعد لاک ڈاؤن بڑھانے کی تجویز نہیں دی ہے۔