نیوزی لینڈ: تین دنوں سے کورونا وائرس کا کوئی معاملہ نہیں

نیوزی لیند میں گذشتہ دنوں میں کورونا وائرس کا کوئی نیا معاملہ سامنے نہیں آیا ہے، یہاں کورونا وائرس متاثرین کی کل مجموعی تعداد1 ہزار 497 ہے، جبکہ 21 لوگ اس وبا سے یہاں ہلاک بھی ہو چکے ہیں

نیوزی لینڈ میں پچھلے تین دن سے کورونا وائرس سے متاثر ایک بھی نیا معاملہ سامنے نہیں آیا ہے اور ملک میں اقتصادی سرگرمیوں کی شروعات کرنے کے لئے بدھ کی رات سے یہاں کا ویجیلینس لیول 2 ہوگیا ہے۔

وزارت صحت کی جانب سے جاری کردہ ایک بیان کے مطابق ہسپتال میں کورونا وائرس سے متاثر دولوگوں کا ہی علاج چل رہا ہے اور 'آئی سی یو' میں کوئی مریض نہیں ہے۔

نیوزی لینڈ میں کورونا انفیکشن کے 1 ہزار 497 معاملے سامنے آئے ہیں اور 21 لوگوں کی اب تک موت ہوچکی ہے، جبکہ اس بیماری سے متاثر 1 ہزار 411 لوگ ٹھیک ہوچکےہیں۔