مرکزی وزیر برائے فروغ انسانی وسائل ڈاکٹر رمیش پوکھریال نشنک نے پیر کو یہاں ٹوئٹ کر کے یہ اطلاع دی کہ وہ 28 مئی کو 45 ہزار ڈگری کالجز کے پرنسپل اور اساتذہ سے بات چیت کریں گے۔
انہوں نے بتایا کہ 28 مئی کو ان ڈگری کالجز کے پرنسپل اور اساتذہ پورے ملک کے طلبا اور گارجیئنز سے جڑ کر اس چیلنج کا سامنا کرنے کے لئے آگے آئیں گے اور تقریبا 33 کروڑ طلبا اس سے فائدہ اٹھائیں گے۔ انہوں نے بتایا کہ اس ویبنار کا انعقاد قومی ایکریڈیشن کونسل کے ذریعہ کیا جارہا ہے۔
انہوں نے بتایا کہ وہ 28 مئی کو دوپہر تین بجے پرنسپل اور اساتذہ سے براہ راست بات چیت کریں گے۔ انہوں نے بتایا کہ 'مجھے امید ہے کہ وہ لوگ میرے ساتھ مہم سے جڑیں گے اور ہم سب مل کر کامیابی کے ساتھ کووڈ-19 بحران کا سامنا کرتے ہوئے چیلنجوں کو مواقع میں تبدیل کریں گے۔
انہوں نے کہا کہ دنیا میں کسی کو امید نہیں تھی کہ اس طرح کا بحران آئے گا لیکن ہم نے اس چیلنج کا سامنا کرتے ہوئے آن لائن تعلیم دی اور اس سے پہلے بھی طالب علموں اور گارجئینوں اور اساتذہ سے بات چیت کی ہے۔