علیحدگی پسند رہنما آسیہ انداربی کے خلاف مقدمہ چلانے کا حکم

دہلی میں واقع این آئی اے کی خصوصی عدالت نے پیر کو کشمیری علیحدگی پسند رہنما آسیہ اندرابی اور ان کی دو ساتھیوں کے خلاف مبینہ طور پر حکومت ہند کے خلاف جنگ چھیڑنے اور ملک میں بغاوت اور شدت پسندانہ واردات کی سازش رچنے کے الزامات کے تحت مقدمہ چلانے کا حکم دیا ہے۔

خصوصی جج پروین سنگھ نے اندرابی، صوفی فہمیدہ اور ناہیدہ نسرین پر یو اے پی اے (ملک مخالف سرگرمیوں کی روک تھام) کے تحت مختلف جرائم میں ملوث ہونے کے الزامات پر مقدمہ چلانے کا حکم دیا۔

ایف آئی آر کے مطابق، اندرابی ، فہمیدہ اور نسرین فعال طور پر "دختران ملت" (ڈی ایم) کے نام سے مبینہ طور پر ایک تنظیم چلا رہی تھیں جسے یو اے پی اے کے پہلے شیڈول کے تحت پابند کیا گیا تھا۔

تینوں خواتین کو اپریل 2018 میں گرفتار کیا گیا تھا اور وہ اس سے وقت زیر حراست ہیں۔ آج ان کے خلاف مقدمہ چلانے کی این آئی اے کو عدالت نے ہدایت جاری کردی ہے۔