وزیر اعظم نریندر مودی کیدارناتھ پہنچ گئے

وزیر اعظم نریندر مودی نے آج اتراکھنڈ کے کیدار ناتھ میں پوجا کی۔ مودی کی پوجا ایسے وقت ہورہی ہے جب انتخابات کو ایک دن باقی ہے اور وارانسی میں بھی کل ہی ووٹ ڈالے جائیں گے۔

انتخابی نتائج کا اعلان 23 کو ہوگا۔

مودی کی آمد کے پیش نظر مندر کی سیکوریٹی بڑھادی گئی ہے۔ یہ مندر سطح زمین سے 11,755 فٹ کی بلندی پر واقع ہے۔

اسٹیٹ ڈیزاسٹر ریلیف فورس کے کمانڈنٹ ترپتی بھٹ نے تمام عہدیداروں کو کیدارناتھ میں وزیر اعظم کی آمد کے پیش نظر سخت چوکسی کا حکم دیا ہے۔

اس ہمالیائی مندر میں جو شیو کے لیے وقف ہے نریندر مودی نے وزیر اعظم بننے کے بعد کئی مرتبہ درشن کئے۔ آخری مرتبہ وزیر اعظم نے نومبر میں دیپاولی کے موقع اس مندر کا درشن کیا تھا۔

سنہ 2017 میں بھی وزیر اعظم نے دو مرتبہ اس مندر کا درشن کیا تھا، پہلی مرتبہ مئی کے مہینے میں جب مندر کھولا گیا اور دوسری مرتبہ اکٹوبر میں جب مندر بند کردیا گیا۔