پانچویں بار وزیر اعلی کا عہدہ سنبھالنے والے پٹنائک 29 مئی کو صبح 10.30 بجے یہاں پردرشنی میدان میں حلف لیں گے۔
ایک سینیئر بی جے ڈی رہنما نے نئی دہلی میں وزیر اعظم کو دعوت نامہ سونپا ہے۔ پٹنائک نے سبھی رکن پارلیمنٹ، ممبران اسمبلی کے ساتھ ہی صنعتی دنیا کی شخصیات کو بھی مدعو کیا ہے۔
راج بھون کی جانب سے پیر کو جاری ریلیز کے مطابق گورنر گنیشی لال نے پٹنائک کو اتوار کو قانون ساز پارٹی کا رہنما منتخب ہونے اور ان کی طرف سے حکومت تشکیل دینے کا دعوی پیش کیے جانے کے بعد ریاست میں حکومت بنانے کے لیے دعوت دی ہے۔
حلف برداری کی تقریب کے پیش نظر سکیورٹی کے سخت انتظامات کیے گئے ہیں۔ پولیس فورسز کے تقریباً 35 دستے تقریب کے مقام کے آس پاس تعینات کیے جائیں گے۔ سینئر پولیس افسر سیکورٹی بندوبست اور بلا روکاوٹ آمد و رفت کا جائزہ لے رہے ہیں۔
واضح رہے کہ ریاست کی 146 اسمبلی سیٹوں کے لیے چار مراحل میں ہوئے انتخابات میں بی جے ڈی نے 112 سیٹوں پر جیت حاصل کی ہے۔