’قدرتی آفات‘ کو’قومی قدرتی آفات‘ اعلان کرنے کا التزام نہیں

راجیہ سبھا کے چیرمین ایم وینکیا نائیڈو نے جمعہ کو تبصرہ کیا کہ قدرتی آفات کو’قومی قدرتی آفات‘ اعلان کرنے کا کوئی التزام نہیں ہے، لیکن بہت ہی شدید صورتحال میں اس کے لئے علیحدہ انتظامات کئے جاتے ہیں۔

چیرمین نے ایوان کی کارروائی شروع ہونے پر وقفہ صفر کے دوران جنتا دل (متحدہ) کے رکن رامناتھ ٹھاکر اور بھارتیہ جنتا پارٹی کے رکن سی پی ٹھاکر کی طرف سے بہار میں سیلاب کے معاملہ اٹھائے جانے کے بعد یہ تبصرہ کیا۔
انہوں نے کہا کہ اکثر اراکین قدرتی آفات کو قومی آفات اعلان کرنے کے بارے میں بات کرتے ہیں، لیکن اس طرح کا کوئی التزام نہیں ہے۔
رامناتھ ٹھاکر نے شمالی بہار میں سیلاب کی سنگینی کا مسئلہ اٹھایا اور کہا کہ اس علاقے کے کچھ اضلاع کی قسمت میں سیلاب سے نبرد آزما ہونا لکھا ہے۔ یہ علاقے ہر سال میں سیلاب سے تباہ ہوتے ہیں۔ حکومت کو اس معاملے کو دیکھنا چاہئے اور نیپال کے ساتھ مل کر اس کا مستقل حل تلاش کرنا چاہئے۔