رکن پارلیمان رگھو راما راجو خوفزدہ کیوں ہیں؟

نرساراو پیٹ کے رکن پارلیمان رگھو راما راجو نے اسپیکر لوک سبھا اوم برلا کو خط لکھ کر کہا کہ ان کی زندگی کو خطرہ ہے۔

آندھراپردیش کے حلقے نرساراو پیٹ کے رکن پارلیمان رگھو راما راجو نے لوک سبھا اسپیکر کو خط لکھ کر کہا کہ ان کی جان کو خطرہ ہے، اس لئے انھیں سینٹرل سیکوریٹی فراہم کی جائے۔

انھوں نے کہا کہ مندر سے متصل اراضیات کی فروختگی کے مسئلہ پر وہ وزیر اعلی وائی ایس جگن موہن ریڈی سے ملاقات کرنا چاہتے تھے مگر انھیں موقع نہیں ملا تب انھوں نے اپنی بات میڈیا کے سامنے رکھی، جس کے بعد سے ان پر حملے کی کوشش کی جارہی ہے۔

انھوں نے بتایا کہ مختلف رہنماوں نے انھیں دھمکیاں دی ہیں اور ان کے اپنے حلقے میں نہیں آںے کے لیے کہا گیا ہے۔ مذکورہ رکن پارلیمان نے کہا کہ مقامی پولیس اسٹیشن میں شکایت کرنے کے باوجود اس پر کوئی کاروائی نہیں ہورہی ہے۔

انھوں نے اسپیکر سے اپیل کی کہ انھیں سنٹرل سیکوریٹی فراہم کی جائے۔