مکل رائے سی بی آئی کے سامنے پیش ہوں گے

مغربی بنگال میں بی جے پی کے رہنما مکل رائے ناردا اسٹنگ کیس میں ہفتے کے روز مرکزی تفتیشی بیورو (سی بی آئی) کے سامنے دوسرے نوٹس کے جواب میں پیش ہوں گے۔

ترنمول کانگریس میں نمبر دو کے لیڈر رہے مسٹر رائے ناردا اسٹنگ کیس میں 13 دیگر ملزمین کے ساتھ نامزد ہیں۔

ناردا کے چیف ایکزکیوٹیو میتھیو سیموئل نے یہ اسٹنگ آپریشن کیا تھا جس میں ایک لیڈر کو پیسہ کے بدلے کام کرانے کا یقین دلایا تھا۔

سی بی آئی نے اس سے پہلے انہیں جمعہ کی صبح گیارہ بجے نظام پیلیس میں پیش ہونے کا نوٹس دیا تھا۔ جس کے بعد مسٹر رائے نے سی بی آئی کے جانچ افسران کے سامنے پیش ہونے کے کے لیے مزید وقت مانگا تھا۔

سی بی آئی نے جمعرات کو سینئر آئی پی ایس افسر ایس ایم ایچ مرزا کو گرفتار کیا تھا۔ اسٹنگ کے 2016 میں سامنے آنے کے بعد یہ پہلی گرفتاری ہے۔

خیال رہے کہ مسٹر رائے کو جمعہ کو آواز کے نمونے کی جانچ کے لیے بلایا گیا تھا۔ مقررہ وقت پر پیش نہیں ہونے پر ان کے نمائندہ نے نظام پیلیس میں سی بی آئی کے دفتر جاکر ایک خط سونپتے ہوئے درخواست کی کہ انہیں کچھ مزید وقت دیا جائے کیونکہ وہ پارٹی کے کام میں مصروف ہیں۔