’ یہ لڑائی بھارت کے آئین کو بچانے کی ہے‘

کانگریس اقلیتی شعبہ کے قومی صدروسابق رکن اسمبلی ندیم جاوید نے ارریہ میں پریس کانفرنس سے خطاب کرتے ہوئے مرکزی حکومت کو تنقید کا نشانہ بنایا۔

ندیم جاوید نے کہا کہ یہ لڑائی بھارت کے آئین کو بچانے کی ہے، جسے مرتے دم تک لڑیں گے، یہ کوئی ہندو مسلم سیکھ عیسائی کی لڑائی نہیں ہے بلکہ ہر اس ذمہ دار شہری کی لڑائی ہے جو اس ملک میں چین سے رہنا چاہتے ہیں، ان کے لئے تمام مذاہب کے لوگ ایک ہیں، بھائی ہیں. مودی حکومت کی تانا شاہی نہیں چلے گی.

ندیم جاوید نے کہا کہ تمام پارٹی کے رہنما اپنے مفاد سے اوپر اٹھ کر اس سیاہ قانون کی مخالفت کر رہی ہے.

کانگریس پارٹی شروع سے ہی سی اے اے قانون،مجوزہ این آر سی اور این پی آر کی مخالف رہی ہے اور آگے بھی کرے گی. ندیم جاوید نے کہا کہ جہاں جہاں کانگریس کی حکومت ہے وہاں این آر سی کے خلاف رجولیشن پاس کرے گی.