پی ڈی پی رہنما مظفر حسین بیگ پارٹی سے مستعفی

پی ڈی پی کے سنئیر رہنما مظفر حسین بیگ نے پارٹی سے کنارہ کشی اختیار کرلی ہے۔ انہوں نے آج پی ڈی پی سے استعفیٰ دینے کا اعلان کیا۔

مظفر حسین بیگ نے پی ڈی پی سے علیحدگی اختیار کرنے کا اعلان کیا جبکہ انتخابات کے لئے پیپلز الائنس فار گپکار ڈیکلیریشن کی جانب سے امیداروں کی فہرست ان کی ناراضگی کی اصل وجہ بتائی جارہی ہے جس کے تحت ڈی ڈی سی کے جملہ 27 سیٹوں میں سے پی ڈی پی صرف 4 سیٹوں پر انتخاب لڑ رہی ہے جبکہ نیشنل کانفرنس نے 21 سیٹوں پر اپنے امیداواروں کو اتارا ہے۔ پیلز کانفرنس کے 2 امیدوار میدان میں ہیں۔

مظفر حسین کے مطابق ڈی ڈی سی انتخابات میں پی ڈی پی کے نہایت ہی کم سیٹوں پر مقابلہ کرنا پارٹی کے مفاد میں نہیں ہے۔ انہوں نے کہا کہ ڈی ڈی سی انتخابات کے پہلے مرحلے کے امیدواروں اور سیٹوں کی تقسیم سے متعلق پارٹی نے ان سے کوئی بھی صلح ومشورہ نہیں کیا۔

انہوں نے کہا کہ میں نے ہفتہ کی شب پارٹی سربراہ محبوبہ مفتی کو اپنے استعفی سے آگاہ کیا۔ انہوں نے کہا کہ حامیوں کے صلح و مشورے کے بعد وہ مستقبل کا لائحہ عمل ترتیب دیں گے۔ وہیں مظفر حسین بیگ پارٹی سے کنارے کشی اختیار سے متعلق اور آئندہ کے لائحہ عمل کے بارے میں اتوار کو ایک پریس کانفرنس سے خطاب کرنے جارہے ہیں ۔