فرقہ پرستوں کی ہراسانی سے بچانے روشن بیگ کا وزیر اعلیٰ سے مطالبہ

عید الاضحی کے قریب "پرانی دیا سنگھ" واس جیسے دیگر حقوق حیوانات کی تنظیموں کی جانب سے مسلمانوں پر غیر ضروری طور پر ہراسانی کی جانے کی شکایات ہوتی ییں۔ سابق ریاستی وزیر روشن بیگ نے وزیر اعلی سے ملاقات میں یہ بات دہرائی۔

سابق ریاستی وزیر آر روشن بیگ نے وزیر اعلیٰ بی ایس یڈیورپا سے ملاقات کر کے ایک یادداشت پیش کی اور مطالبہ کیا کہ حکومت اس متعلق اقدامات اٹھائے اور قربانی کے تہوار کے قریب مسلمانوں کو نام نہاد حقوق حیوانات تنظیموں سے ہراسانی نہ ہو۔

آر روشن بیگ نے وَیر اعلیٰ کو بتایا کہ بقرعید میں جانوروں کی قربانی کے تعلق سے جلد ہی تمام علماء کرام جمع ہوکر فیصلہ لیں گے اور ان کے فیصلے کے مطابق پوری مسلم قوم قربانی کرنے کے بارے میں پابندی کریگی۔ بقرعید کے اہتمام کے سلسلے میں وزیر اعلیٰ یڈیورپا کو ایک میمورنڈم پیش کرتے ہوئے آر. روشن بیگ نے مانگ کی کہ قربانی کے دوران جانوروں کو لانے لےجانے کے نام پر خودساختہ اداروں کی طرف سے روکاوٹیں کھڑی کرنا اور غیر قانونی طور پر پکڑ دھکڑ کرنے کے واقعات پر حکومت روک لگائے۔

آر روشن بیگ نے یہ بھی مطالبہ کیا کہ ریاست کے اضلاع میں ڈیپیوٹی کمیشنرز کی طرف سے غیر قانونی طریقے سے جانوروں کی نقل و قربانی پر نظر رکھنے کے لئے جو کمیٹیاں تشکیل دی گئی ہیں ان میں اقلیتی طبقے سے وبستہ این جی. اوز کو بھی نمائندگی دی جائے اور مالم ادارے یا ان کے ذمیداران کو بھی شامل رکھا جائے۔

تاکہ نگرانی کا عمل ایک طرفہ نہ ہو یا پھر اس ایک طرفہ کمیٹی کو برخاست کردیا جائے۔ آر.روشن بیگ نے وزیر اعلیٰ کو بتایا کہ کورونا وائرس کی وباء کے چلتے لاک ڈاؤن کے دوران دیگر اقوام کی مانند مسلمانوں نے بھی حکومت کا بھرپور تعاون کیا ہے اور انہوں نے اپنا سب سے بڑا تہوار عید الفطر نہیں منایا، ماہ رمضان المبارک میں مساجد ویران رہیں، تراویح کا اہتمام باقاعدگی سے نہیں ہوسکا۔