رمضان المبارک کے پیش نظر سرکردہ علماء کا پیغام

ماہ مبارک رمضان اس مرتبہ کورونا وائرس نامی بیماری اور لاک ڈاؤن کے درمیان آ رہا ہے جس کے سبب علماء نے ای ٹی وی بھارت کے ذریعے امت مسلمہ سے اپیل کی ہے کہ وہ عام دنوں کی طرح ہی رمضان المبارک میں بھی احتیاطی تدابیر اختیار کریں۔

ماہ مقدس رمضان المبارک ہم پر سایہ فگن ہے لیکن اس مرتبہ یہ مہینہ گزشتہ برسوں کے مقابلے الگ ہوگا کیوں کہ کورونا وائرس کی وجہ سے پورے ملک میں لاک ڈاؤن نافذ ہے اور کسی بھی طرح کے اجتماع کی اجازت نہیں ہے۔

لاک ڈاؤن کی وجہ سے مساجد میں نمازیوں کے داخلے پر بھی پابندی عائد ہے، صرف امام و موذن سمیت پانچ افراد ہی بہ یک وقت مسجد میں نماز ادا کرسکتے ہیں اس لیے علماء نے رواں برس تراویح کا اہتمام بھی گھروں میں ہی کرنے کی تلقین کی ہے۔

ای ٹی وی بھارت نے دہلی کے چند علماء سے بات کی جس مین انہوں نے امت مسلمہ سے اپیل کی ہے کہ پنج وقتہ نماز، تراویح اور افطار وغیرہ کے لیے کسی بھی جگہ پر جمع نا ہوں بلکہ حکومت کی جانب سے لاک ڈاؤن کے لیے جاری کردہ ہدایات پر عمل کریں۔