ابو عاصم اعظمی سے بحث کے بعد سینئر پولیس انسپکٹر کا تبادلہ

سینئر پولیس انسپکٹر شالینی شرما جو وسطی ممبئی کے ناگپاڑا پولیس اسٹیشن سے منسلک تھیں، ان کو مہاجر مزدوروں کے معاملے پر سماج وادی پارٹی کے ایم ایل اے ابو عاصم اعظمی سے بحث کرنے کے بعد مضافاتی علاقہ چیمبر منتقل کردیا گیا۔ دونوں کے مابین زبانی بحث کی ایک ویڈیو وائرل ہوگئی تھی۔

ایک عہدیدار نے بتایا کہ سینئر پولیس انسپکٹر شالنی شرما کا جمعرات کے روز تبادلہ کیا گیا، ایک ویڈیو سامنے آنے کے ایک دن بعد جس میں انہوں نے مزدوروں کے معاملے پر سماج وادی پارٹی کے ایم ایل اے ابو عاصم اعظمی سے بحث کی ہے۔

ایک عہدیدار نے بتایا شرما جو وسطی ممبئی کے ناگپاڑا پولیس اسٹیشن سے منسلک تھیں، شام کے وقت انہیں نواحی علاقہ چیمبر منتقل کردیا گیا۔

اعظمی نے پولیس کے ذریعہ مہاجر مزدوروں کو ان کے آبائی شہر بھیجنے میں بد انتظامی کا الزام لگاتے ہوئے شرما کی منتقلی کا مطالبہ کرتے ہوئے ایک مظاہرہ کیا تھا۔

دونوں کے مابین زبانی بحث کی ایک ویڈیو وائرل ہوگئی تھی۔ تاہم سینئر عہدیداروں نے بتایا کہ شرما نے منتقلی کے لئے درخواست کی گئی تھی جسے قبول کر لیا گیا۔