ضرورت مندوں کی مدد کر کے عید منانے کی اپیل

کورونا وائرس بحران کے درمیان عید الفطر بھی قریب تر ہے۔ عید کی خوشیاں دوبالا ہونے کے بجائے کم ہو گئی ہیں، آنے والی عید ضرورت مند اور محتاج افراد کی مدد کر کے منانے کی اپیل کی گئی ہے۔

ممبئی میں کانگریس اقلیتی سیل کے نائب صدر مدثر پٹیل نے لوگوں سے عارضی طور پر عید منانے کی اپیل کی ہے اور کہا ہے کہ ضرورت مند افراد کی مدد کر کے عید منائیں۔

ممبئی میں نامہ نگاروں سے بات چیت کرتے ہوئے انہوں نے مسلم کمیونٹی سے اپیل کی کہ وہ عارضی طور پر عید منائیں اور کورونا وائرس کے بحران کے دوران محتاج افراد کی مدد کریں اور کورونا وائرس سے دوچار افراد کی مدد کریں'۔

ان کا کہنا تھا کہ 'ماہ مضان ایثاروقربانی کا مہینہ ہے، ہمیں لوگوں کی مدد کر کے عید منانا چاہئے جو لوگ عید کی خوشیوں پر پیسہ خرچ کرتے ہیں انہیں اب ان پیسوں کو لوگوں کی مدد پر خرچ کرنا چاہیے'۔

کورونا بحران کے دوران انہوں نے اب تک قریب سات ہزار راشن کٹز لوگوں کے درمیان تقسیم کیے ہیں۔