نقوی نے رام منوہر لوہیا کو یاد کیا

مرکزی وزیر مختار عباس نقوی نے ڈاکٹر لوہیا کی 53ویں برسی کے موقع پر ان کی خدمات کو یاد کرتے ہوئے انہیں خراج عقیدت پیش کیا۔

مرکزی وزیر برائے اقلیتی امور مختار عباس نقوی نے پیر کو گاندھیائی سوشلسٹ لیڈر ڈاکٹر رام منوہر لوہیا کو ان کی برسی پر خراج عقیدت پیش کرتے ہوئے کہا کہ انہوں نے غریبوں اور محروموں کے حقوق کے لئے عوامی تحریک کو متحرک کیا۔

پیر کو ڈاکٹر لوہیا کی 53 ویں برسی منائی جا رہی ہے۔ ان کا 12 اکتوبر 1967 کو نئی دہلی میں انتقال ہو گیا تھا۔

ڈاکٹر لوہیا کو ان کی برسی کے موقع پر خراج عقیدت پیش کرتے ہوئے نقوی نے کہا ’’مشہور مجاہد آزادی، گاندھیائی سوشلسٹ لیڈر، دور اندیش مصلح، متحرک پارلیمنٹیرین ڈاکٹر رام منوہر لوہیا جی جنہوں نے غریبوں اور محروموں کے حقوق کی جنگ لڑی، کی برسی پر خراج عقیدت۔‘‘