مالیگاؤں : نیوز چینل اور اینکر کی پُر زور مذمت

نجی نیوز چینل اور اس کے اینکر نے سلطان الہند خواجہ معین الدین چشتی علیہ الرحمہ کی شان میں نازیبا کلمات اور گستاخی کی جس کی وجہ سے مسلمانوں کے ساتھ ساتھ ہندوؤں اور دیگر مذاہب کے لوگوں کے جذبات کو مجروح کیا۔

ریاست مہاراشٹر کے مسلم اکثریتی شہر مالیگاؤں کے رکن اسمبلی مفتی محمد اسماعیل قاسمی نے نجی نیوز چینل اور اینکر کی پر زور مذمت کی ہے۔ مفتی محمد اسماعیل قاسمی نے کہا غریب نواز کا دربار وہ دربار ہے جہاں دنیا بھر کے تمام مذاہب کے لوگ حاضری دیتے ہیں اور ان سے عقیدت رکھتے ہیں۔

ایسی ہستی کے بارے میں نازیبا کلمات کہنا ملک میں بدامنی اور انتشار کا سبب بن سکتا ہے.مفتی محمد اسماعیل قاسمی نے اس اینکر اور نیوز چینل پر مرکزی سرکاری اور ریاستی سرکاری نے قانونی کاروائی کرنے کا مطالبہ کیا ہے۔