میکسیکو میں گذشتہ 24 گھنٹوں کے دوران کورونا وائرس (کووڈ-19) کے انفیکشن کی وجہ سے 611 افراد کی ہلاکت کے ساتھ ہی اس وبا سے مرنے والوں کی تعداد 69095 سے تجاوز کرگئی ہے۔
واضح رہے کہ میکسیکو کی وزارت صحت کے سینٹر برائے ایپیڈیمولوجی کے ڈائریکٹر جوز لوئس ایلومینا نے اس کی اطلاع دی ہے۔
اس عرصے کے دوران ملک میں کورونا انفیکشن کے 4647 نئے معاملے رپورٹ ہونے کے بعد متاثرہ افراد کی مجموعی تعداد 647507 ہوگئی۔
اس سے ایک دن پہلے میکسیکو میں کورونا انفیکشن کے 5351 نئے کیس سامنے آئے تھے، جبکہ 703 افراد کی موت ہوئی تھی۔
کورونا وائرس کی وجہ سے اموات کی فہرست میں میکسیکو امریکہ (1.90 لاکھ)، برازیل (1.27 لاکھ) اور ہندوستان (73890) کے بعد چوتھے نمبر پر ہے۔
واضح رہے کہ ورلڈ ہیلتھ آرگنائزیشن (ڈبلیو ایچ او) نے 11 مارچ کو کورونا وائرس (کووڈ۔19) کو ایک وبا قرار دیا تھا۔
جان ہاپکنز یونیورسٹی کے سینٹر برائے سائنس اینڈ انجینئرنگ (سی ایس ایس ای) کے جاری کردہ تازہ ترین اعدادوشمار کے مطابق دنیا بھر میں کورونا انفیکشن کے تقریباً 2.77 ملین معاملوں کی تصدیق ہوچکی ہے جبکہ اس وبا نے نو لاکھ سے زائد افراد کو ہلاک کردیا ہے۔