اس کے ساتھ ہی گذشتہ دو مئی سے اب تک اس مغربی ریاست سے چلنے والی ایسی ریل گاڑیوں کی تعداد 120 سے زائد ہو گئی ہے۔ پورے ملک میں اب تک ایسی 218 ٹرینیں چلائی گئی ہیں۔
گجرات سے صرف ٹرین سے ہی ایک لاکھ 45 ہزار سے زائد مزدوروں کو اتر پردیش، بہار، جھارکھنڈ اور اوڈیشہ جیسی ریاستوں میں بھیجا جا چکا ہے۔ یہ پورے ملک میں اس معاملے میں اب تک سب سے زیادہ ہے۔ گجرات سے ہی اب تک ایسی سب سے زیادہ مزدور اسپیشل ٹرینیں چلائی گئی ہیں۔
اوڈیشہ کو چھوڑ دیگر ریاستوں کے لئے 30 سے زیادہ خصوصی ٹرینیں لیبر اینڈ پلاننگ محکمہ کے ایڈیشنل چیف سیکرٹری اور مزدوروں کی واپسی کے لئے نوڈل افسر وپل مترا نے یہ اطلاع دیتے ہوئے بتایا کہ آج بھی تقریباً 36 ہزار مزدوروں کو لے کر ٹرینیں روانہ ہو رہی ہیں۔ اگرچہ عدالتی حکم کے تحت فی الحال اوڈیشہ کے لئے ٹرین بند ہے۔
اب تک گجرات سے سب سے زیادہ 80 ایسی ٹرینیں اترپردیش کے لئے 16-16 بہار اور اڈیشہ کے لئے اور آٹھ جھارکھنڈ کے لئے چلائی گئی ہیں۔ مزدوروں کو بھیجے جانے سے پہلے متعلقہ ریاستوں سے بھی اس معاملے میں اتفاق کیا جا رہا ہے۔
ایسی ٹرینوں کی تعداد بڑھا کر یومیہ 50 تک کئے جانے کا منصوبہ ہے تاکہ اپنی آبائی ریاست واپس جانے کے خواہاں تمام مزدور واپس جا سکیں۔
اس دوران ریلوے ذرائع نے بتایا کہ آج کل 25 ٹرینیں اتر پردیش، 4 بہار، 2 مدھیہ پردیش اور ایک ایک جھارکھنڈ اور راجستھان کے لئے چلائی جا رہی ہیں۔ انہیں احمد آباد، سورت، وڈودرا، ویرمگام، موربی، آنند، بھروچ، بھؤنگر، ہمت نگر، جام نگر، راجکوٹ، تاپی، امریلی اور داہود جیسے مقامات سے چلایا جا رہا ہے۔
