ملک میں کورونا وائرس کیسز کی تازہ تفصیلات

کورونا وائرس سے متاثر ہونے کے معاملہ میں بھارت امریکہ کے بعد دنیا میں دوسرے نمبر پر ہے۔

کورونا وائرس کی زد میں آئے مریضوں کی جانچ میں تیزی اور مناسب علاج کی وجہ سے وائرس کے شکار متاثرین کی تعداد لگاتار بڑھتی جارہی ہے جس سے اب تک کے 73.70 لاکھ سے زائد کیسز کے مقابلے میں فعال کیسز کم ہوکر آٹھ لاکھ رہ گئے ہیں۔

مرکزی وزارت صحت و خاندانی بہبود کی جانب سے جمعہ کے روز جاری تازہ ترین اعداد و شمار کے مطابق گذشتہ 24 گھنٹوں کے دوران 70،348 کورونا متاثرین شفایاب ہوئے جس سے ملک میں شفایاب ہونے والے مریضوں کی مجموعی تعداد 64،53،789 ہوچکی ہے۔

اسی مدت میں مزید 63،371 نئے کیسز کے رپورٹ ہونے سے متاثرین کی مجموعی تعداد 73،70،478 ہو گئی۔ کورونا وائرس کے نئے کیسز میں کمی سے ایکٹیو کیسز 7862 سے گھٹ کر 8،04،528 رہ گئے۔

کورونا وائرس سے متاثر ہونے کے معاملہ میں بھارت امریکہ کے بعد دنیا میں دوسرے نمبر پر ہے۔ امریکہ میں کورونا متاثرین کی مجموعی تعداد 79،79،448 ہے اور اس حساب سے بھارت اب صرف 6.08 لاکھ پیچھے ہے۔ وہیں ہلاکتوں کی تعداد کے لحاظ سے امریکہ اور برازیل کے بعد بھارت کا تیسرا مقام ہے۔

امریکہ اور برازیل میں بالترتیب 2.17 لاکھ اور 1.52 لاکھ سے زیادہ کورونا متاثرین ہلاک ہوچکے ہیں جبکہ بھارت میں گزشتہ 24 گھنٹوں کے دوران اس بیماری سے 895 ہلاکتوں سے مجموعی تعداد 1،12،161 ہوگئی ہے۔

اس وقت ملک میں ایکٹیو کیسز کی شرح 10.92، شفایابی کی شرح 87.56 جبکہ اموات کی شرح 1.52 فیصد ہے۔