مولاناآزاد اور آچاریہ کرپلانی کی سالگرہ پر مودی نے خراج عقیدت پیش کیا

وزیراعظم نریندر مودی نے عظیم مفکراور مجاہد آزادی مولانا ابوالکلام آزاد اور مشہور سیاستداں آچاریہ کرپلانی کو ان کی سالگرہ پر خراج عقیدت پیش کیا ہے۔

وزیر اعظم نریندر مودی نے اپنے ٹویٹ پیغام میں کہا کہ ’’مولانا آزاد اور آچاریہ کرپلانی ایسے غیر معمولی شخصیت کے طور پر جانے جاتے ہیں جنہوں نے ملک کی ترقی میں قابل ذکر خدمات پیش کی ہیں۔ انہوں نے غریب اور نوجوانوں کی زندگیوں کو بہتر کرنے کی سمت میں اپنے آپ کو وقف کردیا تھا۔ ان کی سالگرہ پر میں انہیں خراج عقیدت پیش کرتا ہوں۔ ان کے نظریات ہمیں مسلسل ترغیب دیتے رہیں گے۔‘‘

ان دونوں عظیمم شخصیتوں کی آج سالگرہ ہے اور یہ قوم اپنے محسنوں کو خراج عقیدت پیش کررہی ہے۔