مودی نے ٹوئٹ کیا کہ 'میں سلطان قابوس بن سعید السعید کے انتقال کے بارے میں سن کر کافی دکھی ہوں۔ وہ دور اندیش اور تجربہ کار لیڈر تھے جنہوں نے عمان کو ایک جدید اور خوشحال قوم میں تبدیل کیا۔ وہ ہمارے خطے اور دنیا کے لیے امن کے سفیر تھے'۔
واضح رہے کہ عمان کے سلطان قابوس بن سعید السعید کا جمعہ کی رات انتقال ہو گیا تھا۔ وہ 79 سال کے تھے۔
سلطان کے دفتر نے کہا کہ ان کا طویل علالت کے بعد انتقال ہو گیا۔ ان کی موت میں رائل کورٹ کے دیوان نے محروم سلطان کی موت پر تعزیتی پیغام جاری کیا۔
قابوس 1970 سے اپنے انتقال تک عمان کے سلطان رہے۔ وہ مغربی ایشیا اور عرب دنیا میں سب سے طویل عرصے تک حکومت کرنے والے لیڈر تھے۔ ان کی پیدائش 18 نومبر 1940 کو ہوئی تھی۔
مودی نے کہا کہ 'سلطان قابوس بھارت کے سچے دوست تھے اور انہوں نے بھارت اور عمان کے درمیان کافی اچھی اسٹریٹجک پارٹنر شپ کے لیے ایک مضبوط قیادت فراہم کی۔ میں ان کے پیار اور گرم جوشی کو ہمیشہ یاد رکھوں گا۔ ان کی روح کو سکون ملے'۔
