واقعہ یہ ہے کہ ممبرا پولیس تھانے کے دیواعلاقے سے تعلق رکھنے والے مونو کمار پاسی چھ تاریخ کو اپنے ڈیڑھ برس کے بچے کے ساتھ بازار گئے ان کے ساتھ ان کی جان پہچان کا ناگیش پاسوان بھی ساتھ تھا۔
کیا اپنے بھی بھروسے کے لائق نہیں؟ مونو کمار کچھ دیر کے لیے اپنے بچے کو ناگیش کو سپرد کر کے سامان لینے چلے گئے جب وہ واپس آئے تو بچہ اور ناگیش دونوں غائب تھے۔
مونو نے اس کی شکایت ممبرا پولیس اسٹیشن میں درج کرائی جس کے بعد پولیس نے تفتیش کی اور آج بچے کو صحیح سلامت ملزم ناگیش سے برآمد کیا اور ملزم کو گرفتار کر لیا۔
پولیس نے میڈیا کے سامنے بچے کو والدین کے سپرد کر دیا۔
ممبرا پولیس اور تھانے کرائم کی اس کامیاب کاروائی پر مہاراشٹر کے ڈائیریکٹر آف پولیس(ڈی جی) سبودھ کانت جیسوال اور تھانے کے پولیس کمشنر وویک پھنسالکر نے ٹیم کو مبارکباد پیش کی۔
