ریاست مہاراشٹر کی ممبرا پولیس نے دو ہزار روپے کے 15 لاکھ 50 ہزار روپے جعلی نوٹوں کے ساتھ تین ملزمان کو گرفتار کیا ہے۔
پولیس کے مطابق ملزمین نے مغربی بنگال ساڑھے 3لاکھ روپے کے اصلی نوٹ کے بدلے میں ساڑھے 15لاکھ روپئے کی جعلی نوٹ ممبرامیں لا کر مارکیٹ میں چلانے کی فراق میں تھے. مگر اس سے قبل گرفتار ہوگئے ہیں. پولیس اس گروہ کے پورے نیٹ ورک کھنگالنے میں لگی ہوئی ہے۔
ممبراپولیس کے ذریعے فراہم کردہ تفصیلات کے مطابق ممبرا پولیس کو خفیہ اطلاع موصول ہوئی کہ کچھ افراد جعلی نوٹ لے کر ممبرا شہر واقع کوسہ کے قسمت کالونی علاقہ میں آنے والے ہیں پولیس افسران نے مذکورہ علاقے میں جال بچھایا اور تین مشتبہ افراد آتے دکھائی پڑے جنہیں حراست میں لے کر جب تفتیش کی تو ان کے پاس سے15لاکھ 76ہزار لاکھ روپے کے 2 ہزار روپے کے نقلی نوٹ برآمد ہوئے پولیس نے ملزمین جین کمار ،دلشاد سراج الدین،اور جاوید انصاری کو حراست میں لیکرتفتیش کرنے پر ملزمین کے قبضے سے یہ نقلی نوٹ برآمد ہوئے ۔
اے سی پی دھمال نے بتایا کہ دو ملزمین نے یہ نوٹ مغربی بنگال سے لاکر کوسہ کے رہائشی جاوید انصاری کو دیئے اور اس طرح یہ لوگ ان نوٹوں کو مارکیٹ میں چلانے والے تھے ان لوگوں نے جس سے یہ جعلی نوٹ خریدا تھا وہ چوتھا ملزم ابھی فرار ہے اسکو پولیس کی ٹیم سرگرمی سے تلاش کررہی ہے فی الوقت گرفتار ان تینوں ملزمین کے خلاف 488(کے )اور34کی دفعہ کے تحت مقدمہ درج کر سلاخوں کے پیچھے بھیج دیا ہے۔
