مدھیہ پردیش کے گورنر لال جی ٹنڈن کی حالت میں معمولی بہتری آئی ہے لیکن وہ ابھی بھی وینٹیلیٹر پر ہیں۔ اسپتال کے عہدیداروں نے جمعہ کو اس بات کی اطلاع دی۔
مینڈتا اسپتال کے ڈائریکٹر راکیش کپور نے میڈیا کو بتایا کہ مدھیہ پردیش کے گورنر کی حالت میں بہت معمولی بہتری آئی ہے لیکن وہ اب بھی وینٹیلیٹر پر ہیں۔ ان کی حالت ابھی بھی سنگین ہے لیکن قابو میں ہے۔
کپور نے بتایا کہ ماہر ڈاکٹروں کی ایک ٹیم مسلسل ان پر نگاہ رکھے ہوئے ہے۔ کپور نے بتایا کہ سنجے گاندھی پوسٹ گریجویٹ انسٹی ٹیوٹ آف میڈیکل سائنسز (ایس جی پی جی آئی ایم ایس) کے ڈائریکٹر آر کے دھمن ، کنگ جارج میڈیکل یونیورسٹی کے ماہر ڈاکٹروں سے ٹنڈن کے علاج کے لئے مشورہ کیا گیا ہے۔
ٹنڈن (85) کو سانس کی دشواری ، پیشاب میں دشواری اور بخار کی وجہ سے 11 جون کو یہاں کے مینڈتا اسپتال میں داخل کیا گیا تھا۔