آتم نربھر بھارت پر ویبینار کا انعقاد کرے گی وزارت اسٹیل

ہاؤسنگ اور شہری امور نیز شہری ہوابازی کے وزیر مملکت (آزادانہ چارج) اور صنعت و تجارت کے وزیر مملکت جناب ہردیپ سنگھ پوری اس موقع پر مہمان اعزازی (گیسٹ آف آنر) ہوں گے۔

وزارت اسٹیل کنفیڈریشن آف انڈین انڈسٹری (سی آئی آئی) کے تعاون سے 18 اگست 2020 کو ہاؤسنگ اور بلڈنگ کنسٹرکشن اور شہری ہوابازی کی وزارتوں کے ساتھ 'آتم نربھر بھارت: رہائش گاہوں اور مکانات کی تعمیر نیز شہری ہوابازی کے شعبوں میں اسٹیل کے استعمال کی حوصلہ افزائی' کے موضوع پر ایک ڈیجیٹل سمینار کا انعقاد کرنے جارہی ہے۔

یہ ویبینار تعمیرات اور بنیادی ڈھانچہ فروغ کے شعبے میں اسٹیل کے استعمال کے بارے میں بیداری میں اضافہ کرے گا اور اسٹیل سے لیس تعمیرات کو فروغ دینے کے لئے اور استعمال کنندگان اور سپلائروں کے درمیان کی خلیج کو پاٹنے کا کام کرے گا۔

پٹرولیم اور قدرتی گیس نیز فولاد کے وزیر جناب دھرمیندر پردھان اس موقع پر مہمان خصوصی ہوں گے۔

ہاؤسنگ اور شہری امور نیز شہری ہوابازی کے وزیر مملکت (آزادانہ چارج) اور صنعت و تجارت کے وزیر مملکت جناب ہردیپ سنگھ پوری اس موقع پر مہمان اعزازی (گیسٹ آف آنر) ہوں گے۔

اسٹیل کے وزیر مملکت پھگن سنگھ کلستے بھی اس افتتاحی اجلاس میں شرکت کریں گے۔