لاکھوں پناہ گزین روس کی مدد سے وطن واپس

روس کے جنرل اسٹاف آف آرمڈ فورس کے سربراہ نے دعویٰ کیا کہ بیس لاکھ سے زائد پناہ گزین روس کی مدد سے وطن لوٹنے میں کامیاب ہوئے ہیں۔

روس کے جنرل اسٹاف آف آرمڈ فورس کے سربراہ ویلری گیراسمونے دعویٰ کرتے ہوئے کہا ہے کہ تقریباً بیس لاکھ شامی پناہ گزین روس کی مدد سے وطن لوٹنے میں کامیاب ہوئے ہیں۔

مسٹر گیراسمو نے کہا کہ زندگی کو آسان بنانے کی کوششوں کے تحت روسی وزارت دفاع نے پناہ گزینوں کی واپسی میں شامی حکومت کو امداد فراہم کرنا جاری ہے۔

ایک دعوے کے مطابق تقریباً گزشتہ ڈیڑھ برس میں فوج نے چار لاکھ 95 ہزار پناہ گزینوں کو شام میں واپس لوٹنے میں مدد کی ہے اور ملک کے اندر اپنے گھروں سے دور ہوچکے تقریبا 13 لاکھ افراد کو واپس بسانے میں مدد کی ہے۔

واضح ر ہے کہ ملک شام سنہ 2011 سے خانہ جنگی کی صورت حال سے گزر رہا ہے، جس کی وجہ سے 56 لاکھ لوگوں کو دوسرے ممالک میں پناہ لینی پڑی اور تقریبا 60 لاکھ اپنے گھروں سے دور کیمپز میں رہنے پر مجبور ہو گئے تھے۔

خیال رہے کہ صدر بشار الاسد کی قیادت میں سرکاری سکیورٹی فورسز نے ملک کے بیشتر علاقوں کو داعش دہشت گرد تنظیم کے قبضے سے آزاد کرا لیا ہے اور وہ ملک کو پناہ گزینوں کے لیے سازگار ماحول تیار کرنے کی مسلسل کوشش کررہے ہیں۔