ملند دیورا ممبئی کانگریس کے نئے صدر

عام انتخابات 2019 سے عین قبل مہاراشٹر کانگریس کمیٹی نے سنجے نروپم کی جگہ سابق مرکزی وزیر ملند دیورا کو ممبئی کانگریس کمیٹی کا صدر منتخب کیا ہے۔

پارٹی ہائی کمان کی میٹنگ کے بعد مہاراشٹر پردیش کمیٹی کے صدر کے سی وینو گوپال نے ملند دیورا کو صد بنائے جانے کا اعلان کیا۔ ملند دیورا، سنجے نروپم کی جگہ لیں گے۔

ملند دیورا ممبئی کانگریس کے نئے صدر

سنجے نروپم دو مرتبہ راجیہ سبھا کے رکن منتخب ہو چکے ہیں، پہلی مرتبہ وہ شیو سینا سے منتخب ہوئے تھے جب کہ دوسری مرتبہ وہ دوسری بار کانگریس سے منتخب ہوئے تھے۔

پارٹی ذرائع کے مطابق ملند دیورا نے حال ہی میں اس طرح کی ذمہ داری سنبھالنے سے انکار کردیا تھا۔

خیال رہے کہ ممبئی کانگریس پارٹی میں سنجے نروپم کے رویے کے خلاف آوازیں اٹھتی رہی ہیں۔ اور کئی رہنماوں سے ان کے اختلافات ابھر کر سامنے آتے رہے ہیں۔