جموں وکشمیر سے طیارے کے ذریعے رانچی پہنچے مہاجر مزدور

کورونا لاک ڈاؤن کے دوران متعدد ریاستوں میں پھنسے مہاجر مزدوروں کو انہیں اپنے آبائی وطن واپس لانے کی ہر ممکن کوشش جاری ہے، متعدد ریاستوں کی حکومتیں اس کے لیے ہر ممکن اقدامات کررہی ہیں۔

ریاست جھارکھنڈ کی ہیمنت سورین حکومت نے دیگر ریاستوں میں پھنسے مہاجر مزوروں کو طیارے کے ذریعے واپس لا رہی ہے، اسی کڑٰ میں جمعے کو جموں وکشمیر سے 60 مہاجر مزدوروں ایک قافلہ رانچی ایئر پورٹ پہنچا۔

ان تمام مہاجر مزدوروں کو رانچی ایئر پورٹ پہنچنے کے بعد انہیں اپنے اپنے اضلاع بھیج دیا گیا، جمعہ کے روز طیارے سے پہنچے والے یہ تمام مزدور سنتھال علاقے کے رہائشی ہیں۔

خاص بات یہ ریاست کے وزیر اعلی ہیمنت سورین خود مزدوروں کا حال احوال دریافت کرنے ایئر پورٹ پہنچے، اس دوران انہوں نے ایئر پورٹ پر انتظام وانصرام کا بھی جائزہ لیا۔

ایئر پورٹ نامہ نگاروں سے خطاب کرتے ہوئے ہیمنت سورین کہا کہ ریاستی حکومت کی کوششوں کے نتیجے میں آج لیہ لداخ میں پھنسے مزدوروں کا پہلا قافلہ طیارہ کے ذریعے رانچی پہنچا ہے، انہوں نے کہا انڈومان نکوبار میں بھی بڑے پیمانے پر ریاست کے مہاجر مزدور پھنسے جنہیں طیارہ کے ذریعے لایا جائے گا۔

شیبو سورین نے کہا کہ 'ہم نے مرکزی حکومت سے درخواست کی تھی کے طیارے کے ذریعے وہ ریاست کے مہجار مزدوروں کو واپس لانا چاتے ہیں لیکن حکومت نے اس اجازت نہیں دی تھی، جس کے بعد مہجار مزدوروں کو ٹرین کے ذریعے ہی واپس لایا جا رہا تھا، لیکن اب باقاعدگی طور پر ہوائی خدمات بحال ہو گئی ہیں اس لیے کچھ مزدوروں کو طیارے کے ذریعے ریاستی حکومت اپنے ذاتی صرفے سے لا رہی ہے۔

آپ کو بتا دیں کہ گزشتہ روز بھی 177 مزدوروں کا جتھہ رانچی ایئر پہنچا تھا جنہیں طیارے کے ذریعے ممبئی سے رانچی لایا گیا تھا۔