ریاست ہریانہ کے ضلع نوح میوات کی آکیڑہ نہر میں تقریبا ڈیڑھ ماہ بعد پانی آنے کے بعد یہاں کے درجن بھر گاؤں کے کسانوں نے راحت کی سانس لی ہے۔
ای ٹی وی بھارت نے اس خبر کو شائع کیا تھا جس کے بعد محکمہ آبپاشی نے اس سے متعلق مستعدی دکھائی اور مختلف گاؤں کو پانی فراہم کرایا گیا۔
حالانکہ کسانوں کا کہنا ہے کہ اب بھی پانی کی مقدار میں کافی کمی ہے اور درمیان میں پانی آنا بند ہو جاتا ہے۔کسانوں نے اس کے لئے محکمہ کو ذمہ دار قرار دیا ہے۔
آکیڑہ ڈرین یہاں کے درجن بھر گاؤں کے کسانوں کے لیے لائف لائن ہے، لیکن فصل کی عین بوائی کے وقت نہر میں پانی نہ ہونے سے کسان بے حال تھے۔
اب جب کہ پانی آ گیا ہے تو ایسی صورت میں کسانوں نے محکمے کے افسران سے گذارش کی ہے کہ پانی کو مستقل جاری رکھا جائے تاکہ انہیں پریشانی کا سامنا نہ کرنا پڑے۔
