'میڈیکل کیمپ کا مقصد لوگوں کو متحد کرنا'

ریاست اتر پردیش کے بارہ بنکی میں سماجی تنظیم دیش پریمی ایکتا منچ کی جانب سے غریبوں کے  لیے مفت میڈیکل کیمپ کا انعقاد کیا گیا۔ میڈیکل کیمپ میں مریضوں کا مفت چیک اپ کیا گیا اور انہیں مفت دوائیں بھی تقسیم کی گئیں۔

دیش پریمی ایکتا منچ کا یہ اب تک کا 38واں میڈیکل کیمپ تھا۔

سماجی خدمات کو انجام دینے میں برسوں سے لگی سماجی تنظیم دیش پریمی ایکتا منچ کا بارہ بنکی کے کٹرہ محلہ میں یہ 38 واں میڈکل کیمپ ہے۔ دیش پریمی ایکتا منچ بارہ بنکی میں مختلف مقامات پر ایسے میڈیکل کیمپ منعقد کرتی رہی ہے۔ جس میں بلڈ پریشر، شوگر سمیت متعدد چیک اپ کئے جاتے ہیں اور ماہر ڈاکٹر مریضوں کا علاج کرتے ہیں۔

دیش پریمی ایکتا منچ کے اس میڈیکل کیمپ سے غریب اور نادار لوگ فائدہ اٹھاتے ہیں اور انہیں اس کیمپ میں علاج دستیاب ہوتا ہے اور لوگ اس کیمپ کی تعریف اور حوصلہ افزائی بھی کرتے ہیں۔

دیش پریمی منچ تقریبا 10 برس سے اس قسم کے میڈیکل کیمپ منعقد کررہا ہے۔ اس کا مقصد ملک میں ذات برادری اور فرقوں میں تقسیم ہوتے لوگوں کو یکجا کرکے ملک کو مضبوط کرنا ہے۔