فوجی اہلکار کے اغوا کی خبر غلط: وزارت دفاع

وسطی کشمیر کے ضلع بڈگام میں نامعلوم بندوق برداروں نے ایک فوجی اہلکار کو اغوا کرلیا، یہ خبر گردش کر رہی ہے جس کو وزارت دفاع نے آج مسترد کردیا۔

وزارت دفاع کے ترجمان کا کہنا ہے کہ ' فوجی اہلکار کے اغوا سے متعلق میڈیا رپوٹز صحیح نہیں ہے ، جس فوجی اہلکار کا اغوا بتایا جارہا ہے وہ باالکل محفوظ ہیں'۔

اغوا کیے جانے والے فوجی اہلکار کا تعلق جموں و کشمیر لائٹ انفنٹری (جے اے کے ایل آئی) سے بتایا جارہا ہے۔

واضح رہے کہ ایک مقامی خبر رساں ادارے نے پولیس ذرائع کا حوالہ دیتے ہوئے بتایا تھا کہ جمعہ کی دیر شام قاضی پورہ، چاڈورہ سے ایک فوجی اہلکار کو اغوا کر لیا گیا ہے۔

تاہم، وزارت دفاع نے ان تمام خبروں کو غلط بتایا۔ اور اس کی وضاحت بھی کردی ہے۔