انٹیلی جنس ذرائع نے پہلے بتایا تھا کہ داؤد اور ان کی اہلیہ میں کورونا کی تشخیص ہوئی ہے اور ان دونوں کا کورونا ٹیسٹ مثبت پایا گیا تھا جس کے بعد انہیں کراچی کے آرمی ہسپتال میں داخل کرایا گیا تھا۔
میڈیا رپورٹس کے مطابق ان کا کورونا کی وجہ سے انتقال ہو گیا۔
تاہم داؤد کے بھائی انیس ابراہیم نے ان خبروں کی تردید کرتے ہوئے کہا ہے کہ وہ دونوں ٹھیک ہیں۔
خیال کیا جاتا ہے کہ پاکستان کی خفیہ ایجنسی آئی ایس آئی کی سرپرستی میں داؤد ابراہیم کراچی میں رہائش پذیر ہے اور اس پر 1993 کے ممبئی میں ہونے والے سیریل بم دھماکوں سمیت سرحد پار سے ہونے والے جرائم کا الزام ہے۔
برسوں سے پاکستان بار بار داؤد اور ان کے اہل خانہ کی پاکستان میں موجودگی کی تردید کرتا رہا ہے، ڈی کمپنی کا شارپ شوٹر چھوٹا شکیل بھی کراچی میں رہتا ہے۔