تلنگانہ: کیمیکل فیکٹری میں آتشزدگی

ایک عہدیدار نے بتایا کہ 'آگ کی شدت کم کر دی گئی ہے اور اب تک کسی بھی طرح کے جانی نقصان کی کوئی اطلاع نہیں ہے۔'

تلنگانہ کے ڈنڈیگل میں ایئر فورس اکیڈمی کے قریب کیمیائی فیکٹری میں اچانک آگ بھڑک اٹھی۔

اطلاعات کے مطابق ضلع میڈچل - ملکاجگیری میں فوری طور پر آٹھ فائر ٹینڈر موقع پر پہنچ گئے۔

آگ کو بجھانے کا عمل جاری ہے۔ جائے واقعہ سے کسی جانی نقصان کی اطلاع نہیں ہے۔

یہ واقع 20 اگست کو ضلع ناگر کرنول میں واقع ہائیڈرو الیکٹرک پاور پلانٹ میں لگی آگ میں نو افراد کی ہلاکت کے دو دن بعد پیش آیا۔

تلنگانہ کے وزیر اعلیٰ کے چندر شیکھر راؤ نے اس واقعے کی تفصیلی سی آئی ڈی تحقیقات کا حکم دیتے ہوئے سی آئی ڈی کے ایڈیشنل ڈائریکٹر جنرل گووند سنگھ کو تفتیشی افسر مقرر کیا ہے۔

اس سلسلے میں مزید تحقیقات جاری ہے۔