کورونا ویکسین کے تعلق سے منوج تیواری کی اپیل

رکن پارلیمان اور بی جے پی کے سینیئر رہنما منوج تیواری نے کورونا ویکسین کے تعلق سے کہا کہ کورونا ویکسین سبھی افراد کو لگانا چاہیے۔

انھوں نے جہاں وزیراعظم نریندر مودی کی قیادت میں کورونا ویکسین بنائے جانے کی تعریف کی تو وہیں انھوں نے حزب مخالف جماعتوں پر شدید نکتہ چینی بھی کی ہے۔

منوج تیواری نے کہا کہ آج سے کورونا ویکسن کی شروعات ہوگئی ہے، ویکسین کے ذریعہ ہمیں کورونا سے لڑنا ہے جیتنا ہے۔

انھوں نے کہا کہ کورونا ویکسین کی کانگریس پارٹی کی جانب سے مخالفت کی جا رہی ہے۔

اب ویکسین آ گئی تو اس کی مخالفت کی جا رہی ہے، جو کہ غلط ہے، ایسے مخالفین کا جواب عوام کی طرف سے دیا جائے گا۔

رکن پارلیمان نے کہا کہ ویکیسن پر کسی قسم کی سیاست نہیں کی جانی چاہئے۔

انھوں نے عوام سے اپیل کی کہ آپ سب آگے آئیں، ویکسین لگائیں اور کورونا وائرس کو ہرانے میں اپنا اہم تعاون دیں۔

خیال رہے کہ سوشل میڈیا پر وائرل ویڈیو میں یہ باتیں منوج تیواری نے کہا ہے۔