مودی حکومت وقت کے چیلنجز کا مقابلہ کرے: منموہن سنگھ

لداخ کی وادی گلوان میں بھارت اور چین کے فوجیوں کے درمیان پُرتشدد تصادم کے بعد لوگوں میں غم و غصہ پایا جارہا ہے، اس معاملے میں مرکز کی نریندر مودی حکومت نے بھی فوجیوں کو متعدد چھوٹ کا اعلان کیا ہے، لیکن اس کے باوجود مودی حکومت کو سوالات کا سامنا کرنا پڑرہا ہے۔

سابق وزیراعظم ڈاکٹر منموہن سنگھ نے گلوان وادی میں ہونے والے تشدد پر حکومت کو ایک خط لکھا ہے، انہوں نے کہا ہے کہ وزیراعظم مودی اور حکومت کو وقت کے چیلنجز کا مقابلہ کرنا چاہئے۔

منموہن سنگھ خط میں مزید لکھتے ہیں کہ 'ہم کرنل بی سنتوش بابو اور ہمارے جوانوں کے لیے انصاف کو یقینی بنانے کا مطالبہ کرتے ہیں'۔

سابق وزیراعظم منمنوہن سنگھ نے وزیراعظم اور حکومت کو انصاف کی فراہمی کا مطالبہ کرتے ہوئے لکھا ہے کہ فوجیوں نے زبردست قربانی دی ہے اور ہماری علاقائی سالمیت کا پوری طرح دفاع کیا ہے'۔

انہوں نے خط میں لکھا ہے کہ 'فوجیوں کو انصاف دلانے میں کسی بھی قسم کی کوتاہی لوگوں سے تاریخی غداری ہوگی'۔