'مہاراشٹر حکومت شرامک ٹرینز پر سیاست کرنے میں مصروف'

انڈین ریلوے نے مہاراشٹر حکومت پر غیر مقیم اور مہاجر مزدوروں کے معاملے میں سیاست کرنے کی بات کہی ہے۔

مرکزی وزیر ریلوے پیوش گوئل نے کہا ہے کہ 'مہاراشٹر حکومت شرامک ٹرینز پر سیاست کر رہی ہے۔ تاحال 145 ٹرینز چلانے کا منصوبہ بنایا گیا، جس میں سے صرف دس فیصد ٹرین ہی چل سکی ہے'۔

• 'نامعقول منصوبہ بندی'

سماجی رابطہ عامہ کے ذرائع ٹویٹر پر وزیر ریلوے پیوش گوئل نے کہا کہ 'مہاراشٹر سے شروع ہونے والی شرامک اسپیشل ٹرینز ریاست کی مناسب تیاریوں کے فقدان کی وجہ سے ناکام رہی ہیں'۔

• سفر کی سہولیات:

گزشتہ کچھ دن سے مہاراشٹر حکومت اور انڈین ریلوے کے مابین لفظی نوک جھوک جاری ہے۔ اس دوران نیشنل ٹرانسپورٹر نے ریاست پر مہاجر مزدورں کے معاملے پر سیاست کرنے کی بات کہی اور کہا کہ ریاستی حکومت ٹرینز میں سفر کی سہولیات کے باوجود مسافروں کو اجازت نہیں دی گئی۔

مرکزی وزیر ریلوے پیوش گوئل نے کہا ہے کہ 'منگل کی شام چھ بجے تک مہاراشٹر سے 145 میں سے 85 ٹرینیں چلنی تھیں۔ جن میں سے صرف 27 ہی چل سکی'۔

• 'ہماری مدد کریں'

گوئل نے ٹویٹ میں کہا ہے کہ 'میں مہاراشٹر کی حکومت سے ایک بار پھر درخواست کرتا ہوں کہ براہ کرم غریب مزدوروں کو ان کے گھر لے جانے میں ہماری مدد کریں'۔

قبل ازیں انہوں نے ٹویٹ کرتے ہوئے کہا کہ 'ریلوے نے مہاراشٹر سے منگل کی شام تین بجے تک 50 ٹرینیں چلانے کا منصوبہ بنایا تھا، لیکن صرف 13 ہی چل سکے'۔

• مسافروں کی کمی:

انہوں نے کہا ہے کہ 'مہاراشٹر حکومت کی درخواست پر ہم نے 145 شرامک اسپیشل ٹرینز کا بندوبست کیا۔ یہ ٹرینیں صبح سے ہی تیار ہیں۔ ان میں سے 50 ٹرینز کو شام تین بجے تک روانہ ہونا تھا لیکن مسافروں کی کمی کی وجہ سے صرف 13 ٹرینیں ہی چل سکی'۔

• ریلوے نیٹ ورک پر اثرات:

وزیر ریلوے نے مزید کہا ہے کہ 'میں مہاراشٹر حکومت سے درخواست کرتا ہوں کہ وہ یہ یقینی بنانے میں مکمل تعاون کریں کہ پریشان کن مزدوروں کو اپنے گھروں تک پہنچایا جاسکیں اور مسافروں کو وقت پر اسٹیشنز پر لائیں۔ وہ مزید تاخیر کا باعث نہ بنیں۔ اس سے پورے نیٹ ورک اور منصوبہ بندی پر اثر پڑے گا'۔