مہاراشٹر: کابینی وزیر کے بھائی نے دن دہاڑے مزدوروں کی پٹائی کی

مہاراشٹر میں این سی پی کے قدآور رہنما و کابینی وزیر نواب ملک کے بھائی کپتان ملک نے دن دہاڑے مزدوروں کی پٹائی کی ہے، اور اس پٹائی کا ویڈیو بھی سوشل میڈیا پر تیزی سے وائرل ہورہا ہے۔

اس ویڈیو میں آپ دیکھ سکتے ہیں کہ کپتان ملک سڑک پر کھدائی کے بعد کام کررہے الگ الگ کمپنی کے مزدوروں کے ساتھ مارپیٹ کررہے ہیں اور ان کے ساتھ دشنام طرازی بھی کررہے ہیں۔

اس معاملے پر این سی پی رہنما کپتان ملک نے صفائی دیتے ہوئے کہا کہ الگ الگ کمپنی والے سڑک کھود کر بی ایم سی کی اجازت کے بغیر کام کرتے ہیں اور جب انھیں اجازت نامہ دکھانے کو کہا جاتا ہے تو وہ دکھاتے نہیں یا پھر ان کے پاس اجازت نامہ ہی نہیں ہوتا ہے اور یہ لوگ بی ایم سی کو نقصان پہنچاتے ہیں'۔

اس تعلق سے کپتان ملک کا مزید کہنا ہے کہ' مذکورہ ویڈیو گزشتہ ماہ کا ہے جہاں ممبئی کے علاقے کرلا میں الگ الگ کمپنی کے چند مزدور کام کررہے تھے'۔