مہاراشٹر: امتحان شروع ہونے سے قبل پرچہ لیک

مہاراشٹر بورڈ کے امتحان میں دسویں جماعت کا سوشل سائنس انگلش میڈیم کا پرچہ 11 بجے شروع ہونے والا تھا۔

ریاست مہاراشٹر کے صنعتی شہر بھیونڈی میں دسویں جماعت کا پرچہ شروع ہونے سے چند منٹ قبل سوشل میڈیا پر وائرل ہو گیا۔

امتحان کے وقت کے مطابق یہ پیپر 11 بجے شروع ہونے والا تھا لیکن اس سے 30 منٹ قبل ہی وہاٹس ایپ پر وائرل ہو گیا۔

واضح رہے کہ اس سے قبل 10 مارچ کو بھی سائنس کا پرچہ لیک ہوا تھا۔

محکمہ تعلیم کی اس لاپرواہی سے شہر میں ہلچل مچ گئی ہے۔

واضح رہے کہ پرچہ شروع ہونے سے 30 منٹ قبل امتحانی مراکز پر پہنچتا ہے لیکن امتحانی مراکز پر پہنچنے سے قبل ہی یہ پرچہ لیک ہو گیا۔