بحیرہ عرب میں اٹھا طوفان گجرات کے ساحل سے بھی ٹکراسکتا ہے

مسٹر سرکار نے بتایا کہ ابھی دو دن مزید اس پر نگرانی کے بعد تصویر اور زیادہ صاف ہوسکے گی اور تب یقین کے ساتھ یہ بتایا جاسکے گا یہ گجرات کی ساحل سے ٹکرائے گا یا نہیں۔

بھارتی محکمہ موسمیات مرکز کے مقامی ڈائرکٹر جیانتا سرکار نے آج بتایا کہ فی الحال گجرات کے بیروال ساحل سے 640 کلومیٹر جنوب میں موجود 'مہا'طوفان 6 نومبر سے اپنی سمت بدل کر گجرات کی ساحل کی جانب بڑھ کرساحل سے ٹکراسکتا ہے۔

اس دوران ہوا کی رفتار 60 سے 70 کلومیٹر فی گھنٹہ ہوسکتی ہے اوراس کے اثر سے تیز گردابی بارش ہوسکتی ہے۔ ایسا ہی جنوبی گجرات اور سوراشٹر کے ساحلی علاقوں میں بھی ہوسکتا ہے۔

مسٹر سرکار نے بتایا کہ ابھی دو دن مزید اس پر نگرانی کے بعد تصویر اور زیادہ صاف ہوسکے گی اور تب یقین کے ساتھ یہ بتایا جاسکے گا یہ گجرات کی ساحل سے ٹکرائے گا یا نہیں۔

انہوں نے کہا کہ بحیرہ عرب میں اٹھا ایک دوسرا طوفان 'کیار' اب پوری طرح کمزورہوکر کم دباؤ کے علاقے میں تبدیل ہوگیا ہے ۔ اب اس سے کوئی خطرہ نہیں ہے۔