جنتر منتر پر کسانوں کا احتجاج

مدھیہ پردیش میں سیلاب کی وجہ سے کسانوں کی فصلیں تباہ و برباد ہوگئیں، جن کی امداد کے لیے جو فنڈ ملنا تھا اسے مرکزی حکومت نے روک دیا ہے۔

قومی دارالحکومت دہلی کے جنتر منتر پر کسانوں نے فصلیں برباد ہونے اور معاوضہ نہ ملنے کے بعد مرکزی حکومت کی جانب سے روکے گئے فنڈ کے خلاف احتجاجی مظاہرہ کیا۔

ریاست مدھیہ پردیش کے رکن اسمبلی عارف مسعود نے مرکزی حکومت پر الزام عائد کیا کہ انہوں نے مدھیہ پردیش میں کانگریس کی حکومت ہونے کہ وجہ سے 32 ہزار 171 کروڑ روپے کے فنڈ کی کٹوتی کی ہے۔

اس احتجاجی مظاہرہ کا مطالبہ ہے کہ مودی حکومت مدھیہ پردیش کے فنڈ کو جاری کرے تاکہ ریاست کی عوام کو اس کا حق مل سکے۔

واضح رہے کہ حکومت سیلاب جیسی قدرتی آفات سے مسلسل جوجھ رہی ہے اس وقت مدھیہ پردیش کی عوام کو امداد کی ضرورت ہے ایسے میں اگر مرکزی حکومت ریاست کا فنڈ ریلیز کر دیتی ہے تو اس سے لاکھوں افراد کی مدد کی جاسکتی ہے۔