انڈین آئل نے نان سبسیڈائزڈ ایل پی جی سیلینڈرز کے قیمتوں میں اضافے کا اعلان کیا ہے جس کے بعد چاروں میٹرو شہروں میں کم از کم 144 روپئے فی سیلینڈر کا اضافہ دیکھا گیا ہے۔
واضح رہے رواں برس ایک جنوری کے بعد سے ایل پی جی کے قیمتوں میں کوئی اضافہ نہیں دیکھا گیا تھا۔
انڈین آئل کے مطابق دہلی میں دام بڑھنے کے بعد ایک سیلینڈر کی قیمت دہلی میں 858 روپئے 50 پیسے، کلکتہ میں 896 روپئے، ممبئی میں 829 روپئے 50 پیسے جبکہ چیننئی میں 881 روپئے فی سیلینڈر ہو گئی ہے۔ وہیں سب سے زیادہ قیمت کا اضافہ کلکتہ میں دیکھا گیا جہاں فی سیلیڈر 149 روپئے کا اضافہ دیکھا گیا ہے۔
واضح رہے کہ انڈین آئل ایل پی جی کے خوردہ سپلائی معاملے میں اس برانڈ کی سب سے بڑی کمپنی ہے۔ اس وقت صارفین ایل پی جی بازار کی قیمتوں پر ہی خرید رہے ہیں۔ تا ہم حکومت کے جانب سے ملنے والی 12 سبسیڈازئڈ 12 سیلینڈر کے لئے ادا کی جانے والی سبسڈی کے رقومات کو سیدھے سارفین کے بینک کھاتے میں بھیجا جاتا ہے۔
واضح رہے کہ صارفین کو سبسڈی کے طور پر ملنے والا پیسا عالمی بازار میں گیس کی قیمتوں پر منحصر ہوتی ہے۔
