منہدم مکان کا وائرل ویڈیو

بلیا میں گنگا ندی کے خطرے کا نشان 57.615 میٹر ہے، جب کہ اتوار کے روز محکمہ سیلاب نے جب اس کو ماپا تو وہ 58.750 میٹر درج کیا گیا۔

ریاست اتر پردیش کے ضلع بلیا میں سیلاب کے سبب ایک پانی کی ٹنکی اچانک گنگا ندی میں گرگئی، وہیں لوگوں نے ایک منہدم ہوتے مکان کا ویڈیو لائیو ریکارڈ کیا، یہ مکان صرف 15 سیکنڈ میں زمین دوز ہوگیا۔

بلیا میں سیلاب آنے کے سبب ایک مکان اور پانی کی ٹنکی چند لمحوں میں منہدم ہو گئے، سیلاب خطرے کے نشان سے اوپر ہے۔

اتوار کے روز گنگا نے خطرے کے لال نشان کو عبور کر لیا، بلیا کے بیریا علاقے کے کہر پور گاؤں میں ایک پانی کی ٹنکی دیکھتے ہی پانی میں گر گئی۔

وہیں دوسری طرف جب لوگوں کو پتہ چلا کہ ایک مکان بھی خطرے کی زد میں ہے، لوگوں نے اس مکان کا ویڈیو بنانا شروع کر دیا اور چند لمحوں میں وہ مکان بھی منہدم ہوگیا۔ صرف 15 سیکنڈ میں یہ مکان منہدم ہوگیا۔

اس واقعے میں کوئی جانی نقصان ہونے کی اطلاع نہیں ہے۔

گنگا ندی کے خطرے کانشان 57.615 میٹر ہے، جب کہ اتوار کے روز محکمہ سیلاب نے جب اس کو ماپا تو وہ 58.750 میٹر درج کیا گیا۔

وہیں عوام بھی سیلاب کی اس خطرناک صورت سے ڈری ہوئی ہے۔ جس کے تیئیں انتظامیہ نے لوگوں سے اپیل کی ہے کہ سیلاب زدہ علاقوں سے دور رہیں۔

واضح رہے گزشتہ چند مہینوں پہلے بھارت کی مختلف ریاستوں میں سیلاب نے اپنا قہر دکھیا تھا، جس میں لاکھوں لوگ بے گھر ہوئے تھے، اور ہزاروں افراد ہلاک بھی ہوئے تھے۔

اب بھی مخلتف شہروں میں سیلاب کا قہر جاری ہے۔