یونیورسٹی کے شعبہ کے گیسٹ ٹیچر پروفیسر نسیم احمد پروفیسر شاہینہ رضوی کے ساتھ طلباء و طالبات نے شرکت کی۔ اس خصوصی لیکچر میں پروفیسر زماں آزردہ نے کہا کہ اردو زبان میں انشائیہ نگاری منفرد اہمیت کا حامل ہے، یہی وجہ ہے کہ انشائیہ نگاری کے میدان میں کم ہی افراد طبع آزمائی کر رہے ہیں۔
انہوں نے کہا کہ ایک انشائیہ نگار نہ صرف اپنے نقطہ نظر سے موضوعات کا انتخاب کرتا ہے بلکہ سامعین و قارئین کا بھی بھرپور خیال رکھتا ہے تاکہ مضمون نگاری اور انشائیہ نگاری میں فرق کیا جا سکے۔
انہوں نے کہا کہ موجودہ دور میں اردو زبان و ادب کے فروغ کے لیے انشائیہ لکھنا انتہائی اہم ہے۔ اس پروگرام میں بنارس ہندو یونیورسٹی کے پروفیسر آفتاب احمد آفاقی نے بھی اپنے خیالات کا اظہار کیا جبکہ ہدیہ تشکر ڈاکٹر نفیس بانو نے ادا کیا۔
