اپوزیشن جماعت کے رہنما کی صدر جمہوریہ سے ملاقات

راجیہ سبھا کا بائیکاٹ کرنے والی اپوزیشن جماعتوں کی جانب سے بدھ کے روز ایوان میں قائد حزب اختلاف غلام نبی آزاد کے دفتر میں ایک میٹنگ منعقد ہوئی تھی۔

ذرائع نے بتایا کہ کانگریس کے رکن پارلیمان اور راجیہ سبھا میں قائد حزب اختلاف غلام نبی آزاد نے زرعی بلوں اور آٹھ ممبران پارلیمان کی معطلی کے تعلق سے آج شام صدر رام ناتھ کووند سے ملاقات کی۔

آپ کو بتا دیں کہ' ایوان بالا میں غلام نبی آزاد کے خطاب کے بعد اپوزیشن رہنما نے منگل کے روز کارروائی کا بائیکاٹ کیا تھا۔حزب اختلاف کے رہنماؤں نے راجیہ سبھا سے واک آؤٹ کیا اور پارلیمنٹ کے احاطے میں مہاتما گاندھی کے مجسمے کے سامنے احتجاجی مظاہرہ کیا۔

حکومت نے زراعت بلز سے متعلق اپوزیشن کی تجاویز پر راضی نہ ہونے پر کانگریس اور دیگر جماعتوں نے بھی کل ایوان زیریں کی کارروائی کا بائیکاٹ کیا تھا۔

اتوار کے روز ایوان میں ہنگامہ آرائی اور غیر منقسم مناظر پر حزب اختلاف کے 8 ارکان پارلیمان کو راجیہ سبھا چیئرمین نے پیر کے روز معطل کردیا تھا۔جہاں اپوزیشن کے اراکین نے زراعت کے بل منظور کیے جانے کے طریقے پر تحفظات کا اظہار کیا ہے۔ حکومت اور بی جے پی رہنماؤں نے ان پر دی گئی ہدایتوں پر عمل نہ کرنے کا الزام عائد کیا ہے۔