ریاست اترپردیش کے علی گڑھ کے سرکاری ڈاکٹرز سمیت مزید 79 ملازمین کو کورونا وائرس کی رپورٹ مثبت آئی ہے۔
اترپردیش کے محکمہ صحت کے مطابق علی گڑھ میں 1422 افراد کورونا سے متاثر ہے۔ جس میں 27 اموات، 993 صحتیاب اور 402 ایکٹیو کیسیز موجود ہیں۔
ان لاک کی وجہ سے بازاروں میں خاصی بھیڑ دیکھی جا رہی ہے اور سماجی دوری کا بھی خیال نہیں رکھا جا رہا ہے۔
گزشتہ شب علی گڑھ میں اب تک کے ایک دن میں سب سے زیادہ 79 کورونا رپورٹ مثبت آئے، جس میں سرکاری ڈاکٹرز بھی شامل ہیں۔
اتر پردیش میں کورونا وائرس سے متاثر مریضوں کی تعداد میں اضافہ ہوتا جا رہا ہے۔ یو پی میں رکارڈ 3765 نئے معاملے سامنے آئے ہیں جبکہ ابھی تک ایک دن میں سب سے زیادہ 57 لوگوں کی موت ہوئی ہے۔
یوپی محکمہ صحت کی جانب سے جاری کردہ اعداد و شمار کے مطابق ریاست میں 81570 ہزار سے زائد افراد کورونا مثبت پائے گئے ہیں جبکہ 1587 لوگوں کی موت ہوئی ہے۔