لالو یادو نے ریمز اسپتال میں 'دربار' لگایا

راشٹریہ جنتا دل (آر جے ڈی) کے صدر و سابق مرکزی وزیر لالو پرساد یادو ریاست جھارکھنڈ کے دارالحکومت رانچی کے ریمز اسپتال میں علاج کے دوران لوگوں سے بات چیت کے لیے 'دربار' لگایا ہے جس کی تصویر سوشل میڈیا پر وائرل ہوگئی۔

جھارکھنڈ بی جے پی کے ترجمان پرتول شاہدیو نے الزام لگایا کہ 'آر جے ڈی کے سینئیر رہنما لالو پرساد یادو ریمز اسپتال میں علاج کے دوران 'دربار' لگا کر جیل کے قوانین کی خلاف ورزی کر رہے ہیں'۔

شاہدیو نے سوشل میڈیا پر لالو یادو کی ایک تصویر شیئر کرتے ہوئے الزام لگایا کہ 'اس طرح کا عمل جیل کے قوانین کی کھلم کھلا خلاف ورزی ہے'۔

انہوں نے لکھا ہے کہ 'بہار کے سابق وزیراعلی لالو پرساد کا اسپتال میں 'دربار' لگانا غیر قانونی ہے۔ کورونا کے اس وبائی دور میں سماجی دوری کی بھی انہوں نے خلاف ورزی کی ہے'۔

بتادیں کہ لالو پرساد کو چارا بدعنوانی کیس کے چار مقدمات میں سزا سنائی گئی ہے اور انہیں 14 برس تک قید کی سزا سنائی گئی ہے۔